REXISTRO DE DEMANDANTES

A Disposición Transitoria primeira do Decreto 1/2010, do 8 de xaneiro, polo que se regula o Rexistro Único de Demandantes de Vivenda da Comunidade Autónoma de Galicia e a adxudicación das vivendas protexidas, así como das acollidas a programas de acceso á vivenda con axudas públicas establece o seguinte:

“Primeira.-Todos os/as solicitantes que no momento da entrada en vigor deste decreto estean inscritos ou solicitasen a inscrición no rexistro creado ao abeiro da Orde do 31 de marzo de 2008, disporán dun prazo de catro meses, contados a partir da entrada en vigor deste decreto, para adecuar a súa inscrición ás condicións e requirimentos previstos neste decreto. Transcorrido o dito prazo sen solicitar a revisión da súa inscrición, achegando a documentación necesaria, causarán baixa de oficio no rexistro.”

O 22 de maio de 2010 rematou o prazo para que os inscritos no rexistro de demandantes antes do 21 de xaneiro de 2010 entregasen a documentación precisa para actualizar a súa inscrición no rexistro.

A Disposición Transitoria terceira do devandito Decreto 1/2010 establece que:

“Terceira.-Mentres non estean actualizadas e revisadas todas as inscricións para adaptalas aos requirimentos deste decreto, e co obxecto de non atrasar máis as adxudicacións que estean pendentes, a oferta de cada promoción realizarase entre todos/as os/as inscritos/as na localidade onde se sitúen as vivendas. Por resolución do director xeral do IGVS determinarase en que momento deben acreditar o cumprimento dos requisitos necesarios, que poderá ser ben con carácter previo ao sorteo para todos/as os/as interesados/as ou ben con posterioridade ao sorteo unicamente para os/as adxudicatarios/as.”

Unha vez rematada a revisión da documentación presentada, dentro do prazo establecido, polos inscritos no rexistro antes do 21 de xaneiro, e realizada a adecuación da inscrición no rexistro, causarán baixa no mesmo todos os inscritos antes do 21 de xaneiro de 2010 que non actualizaron a súa inscrición. Quen cause baixa poderá solicitar de novo a inscrición no Rexistro Único de Demandantes de Vivenda.

Actualmente estanse a revisar as documentacións presentadas e procedendo á actualización das inscricións. Ata o remate deste proceso mantense nesta páxina a seguinte información:

• Número de inscritos no antigo rexistro de demandantes

• Número de inscritos no novo rexistro, tanto novas inscricións como inscritos antes do 21 de xaneiro cuxa documentación xa foi comprobada.

Inscritos no Rexistro Único de Demandantes de Galicia á data de hoxe (03/09/2010 07:17:16):

Inscritos no antigo rexistro de demandantes ata o 22 de maio de 2010.