|
Preguntas máis frecuentes
Polo que se desprende dos datos que achega, ese
soto-aparcamento é privado, é dicir, non son garaxes vinculados a cada vivenda, e polo tanto non
deberán cumprir as NHV senón a normativa municipal sobre garaxes privados, ou edificios de uso
aparcamento (I.B.5.
Garaxes colectivos: este punto será de aplicación obrigada aos locais de uso garaxe
vinculados a edificios cuxo uso dominante sexa vivenda e que se atopen en ámbitos de planeamento
sen ordenación detallada aprobada con anterioridade ao momento de entrada en vigor destas normas,
con independencia de que tamén se deban cumprir as determinacións que o planeamento
estableza).
No caso de que realmente a propiedade vinculase
cada un dos garaxes a unha vivenda do edificio, é dicir, que fosen garaxes colectivos no sentido
das NHV, entón habería que comprobar se a ordenación urbanística á que se someten é anterior á
entrada en vigor das NHV-2010 (que é o máis probable) posto que nese caso, segundo o artigo
I.B.5.b), será de aplicación a normativa municipal, e subsidiarias e complementarias as NHV no
relativo a este punto, sempre que o solar o faga posible.
A adecuación funcional do edificio, ven definida
no artigo 8º do decreto 29/2010:
son obras que afectan aos elementos comúns da edificación, é dicir: portal, acceso,
escaleiras e espazos comúns de comunicacións, non aos garaxes colectivos.
En canto ao cumprimento do CTE, é esixible se a obra entra dentro do
ámbito de aplicación desta normativa.
-O apartado I.A.1.1 Condicións de vivenda exterior,
no seu punto a) establece a obrigatoriedade das vivendas de cumprir unha serie de condicións para
ser considerada vivenda exterior relativas, como mínimo, ás condicións dos espazos exteriores a que
poderán abrirse os ocos de ventilación e iluminación da estancia maior das vivendas. Estas
condicións poden vir reflectidas na normativa urbanística, e serán estas as que prevalezan (as
condicións dos espazos exteriores aos que debe dar unha vivenda considerada exterior) ou non, entón
haberá que aplicar o punto b) deste apartado.
-No punto b) acláranse as condicións de vivenda
exterior, para o caso de que o planeamento non as defina: dimensións esixibles aos patios de
cuarteirón.
-En canto ao nº de estancias que deben dar a ese
espazo exterior, no punto c) do mesmo apartado se establece que, polo menos a estancia maior, e
outra máis no caso de que a vivenda teña máis dunha, deberán ter iluminación e ventilación natural
a través dos espazos exteriores definidos nos puntos anteriores (os que define o planeamento ou os
definidos polas NHV), e este apartado é de obrigado cumprimento, independentemente do que o
planeamento urbanístico estableza, posto que é un requirimento de habitabilidade, e non unha
condición para cumprir o requisito de vivenda exterior.
Cos datos achegados, non se pode saber con seguridade en que caso dos
regulados polas NHV nos atopamos. En principio as obras novas deben cumprir coas Normas de
Habitabilidade integramente (artigo 7º), agás nalgúns casos moi concretos que se regulan no anexo
II.
Se esa obra nova se atopase no caso do apartado II.2 do anexo II:
Edificios construídos sobre solares residuais, e ademais fosen solares baleiros en cascos
históricos ou núcleos rurais tradicionais (II.2.1) podería exceptuarse o cumprimento o apartado
I.A.3 do anexo I, ao que se fai referencia na consulta.
Si, en calquera caso é obrigado o recuamento, tal e
como se especifica no apartado b:
b) Calquera voo da edificación deberá recuarse da
edificación contigua, polo menos unha distancia igual á distancia voada.
A posibilidade de voo, a distancia voada e a tipoloxía
do voo é o que regula a normativa municipal á que se fai referencia no apartado a) do epígrafe
I.B.1.2.
A aplicación "subsidiaria e complementaria" dunha
normativa a un aspecto concreto -neste caso no referente aos garaxes das NHV- supón que, cando
exista outra normativa xeral que regule ese mesmo aspecto, atenderase ás esixencias desa norma
principal antes que ás NHV, polo seu carácter subsidiario, nese aspecto concreto. Cando se trate
dun aspecto que non se regule na norma principal, pasarán a ser aplicables as NHV, polo seu
carácter complementario.
Por exemplo: se a ordenanza municipal establece unhas
dimensións mínimas para as prazas de aparcamento, teranse en conta estas e non as que as NHV
esixe, debido á súa condición de normas
subsidiarias.
No caso de que a ordenanza municipal non indicase nada
sobre o largo das ramplas, deberase ter en conta o indicado nas NHV sobre o tema, debido á súa
condición de normas
complementarias.
|
|
|
|