-
O conselleiro de Medio Ambiente, Territorio e Infraestruturas presentou no
Consello da Xunta un informe sobre a situación actual do solo empresarial en Galicia e as
directrices do novo plan
-
Entre 2009 e 2012 crearanse máis de 18,4 millóns de metros cadrados de
solo, que inducirán un investimento por parte das empresas de máis de 2.300 millóns de euros e a
creación de arredor de 61.000 empregos.
-
Entre 2012 e 2015 prevese a creación de máis de 36 millóns de metros
cadrados
-
O obxectivo é que en 2015 Galicia conte con máis de 68 millóns de metros
cadrados de solo empresarial dependente da Xunta de Galicia
-
As vendas de solo empresarial incentivaranse cun novo prego de bases, que
flexibiliza as exixencias aos compradores.
-
Facilitarase o pagamento aprazado do solo empresarial, mentres que ata o
de agora só era posible o pagamento ao contado
Santiago, 19 de novembro de 2009.-
Galicia contará cun novo Plan de Solo Empresarial que recollerá as
actuacións do anterior plan, elaborado en 2004, e novas actuacións co obxectivo de contar en 2012
cunha superficie total de solo empresarial de máis de 32 millóns de metros cadrados e incrementala
ata os 68 millóns de metros cadrados para 2015, segundo o informe sobre a situación do solo
empresarial en Galicia, presentado polo conselleiro de Medio Ambiente Territorio e Infraestruturas
no Consello da Xunta de Galicia celebrado hoxe.
Co obxectivo de recuperar o tempo perdido nos últimos catro anos, nos
cales non existiu ningunha planificación en materia de solo empresarial, prevese a redacción dun
novo Plan de Solo Empresarial que se baseará en:
• Análise da demanda tendo en conta a situación actual e as previsións a medio e
longo prazo.
• Estimación da oferta actual e a medio e longo prazo en función das
previsións de desenvolvemento de solo en marcha e previstas.
• Planificación global, de xeito conxunto para a totalidade do territorio integrada
nos instrumentos de planificación actualmente en tramitación: Directrices de ordenación do
territorio e Plan de Ordenación do Litoral.
• Establecemento dunha priorización das actuacións así como o
desenvolvemento das previstas por fases, co obxecto de adecualas á demanda.
Coa posta en marcha desta planificación acadaranse os seguintes
obxectivos:
|
|
A EXECUTAR 2009/2012
|
TOTAL 2012
|
A EXECUTAR 2012/2015
|
TOTAL 2015
|
Nº PARQUES
|
92
|
36
|
128
|
65
|
193
|
SUPERFICIE m
2
|
13.755.789
|
18.415.424
|
32.171.213
|
36.689.721
|
68.860.934
|
O investimento previsto para o desenvolvemento destes parques no período 2009-2012
ascende a 373 millóns de euros. As empresas que se asenten sobre el poderían crear arredor de
61.000 empregos, cun investimento en construción de instalacións e equipamentos de máis de 2.300
millóns de euros.
Situación actual
Na actualidade os parques dependentes da Xunta de Galicia ocupan un total
de 13.755.789 metros cadrados, dos cales 8.148.295 son de uso industrial e comercial, estando
dispoñibles para a venda 1.309.625 metros cadrados, o que supón algo máis do 16 por cento do total.
A venda e posta en servizo deste solo podería dar lugar á creación de entre 6.000 e 9.000
empregos.
Tamén están en construción outros 19 parques empresariais, con 13.127.609
metros cadrados de superficie total, nos cales a superficie de uso industria e comercial será de
7.394.606 metros cadrados. Os parques en construción actualmente supoñen incrementar nun 91 por
cento a superficie de solo empresarial existente dependente da Xunta de Galicia
Unha as principais novidades que supón o novo prego de bases é a
flexibilización das formas de pagamento do solo adquirido. Ata o de agora esixíase o pagamento do
25 por cento do importe da parcela no momento da sinatura da opción de compra desta e o 75 por
cento restante na sinatura da escritura pública de compravenda. Co novo prego manterase a
posibilidade de pagamento ao contado pero tamén se permitirá aprazar o pagamento do importe da
venda. Desta maneira, os adquirentes de solo empresarial non terán que facer ningún desembolso ata
a sinatura da escritura pública de compravenda, momento en que deberán aboar o 30 por cento do
importe, podendo aprazar o 70 por cento restante durante tres anos, co pagamento dos xuros legais e garantindo o pagamento mediante aval.
No caso de que a empresa que tiña solo reservado con contrato asinado non
se presentase á sinatura da escritura de compravenda penalizábase cun 10 por cento do importe de
adxudicación, a deducir do 25 por cento xa entregado. Co novo prego a penalización será do 2 por
cento.
Outra das novidades importantes refírese ao prazo para solicitar as
licenzas municipais de edificación e actividade. Os pregos aplicados anteriormente impoñían o prazo
máximo dun ano para obter estas licenzas, establecendo unha penalización do 20 por cento sobre o
prezo da parcela no caso de que non se cumprise este requisito. O novo prego aumenta o prazo para a
solicitude das licenzas ata dous anos, aínda que mantén a penalización do 20 por cento no caso de
incumprimento.
Tamén de carácter económico é a modificación do importe da fianza que se
debe depositar para participar no concurso de compravenda de solo empresarial. Ata agora ese
importe equivalía ao 5 por cento do importe de licitación mentres que co novo prego será o 2 por
cento do dito importe, sen IVE.
Outras modificacións do prego de bases refírense á documentación que deben
presentar os participantes no concurso de venda de solo empresarial, aos criterios de adxudicación,
que se modifican lixeiramente para facelos máis obxectivos, e ás penalizacións nos casos de
incumprir determinados requisitos do prego, penalizacións que se reducen. No seguinte cadro
indícanse as principais diferenzas entre o prego de bases antigo e o novo:
ANTIGO
|
NOVO
|
Documentación que hai que presentar no concurso
|
|
Balance do último ano
|
Tres últimas declaracións da renda (persoas físicas)
|
Certificación da Axencia Tributaria respecto da última declaración da
renda
|
Fianza para participar no concurso
|
5% do importe de licitación
|
2 % do importe de licitación
|
Prazos
|
15 días dende a comunicación da adxudicación para asinar contrato de
opción e pagar o 25% do importe de adxudicación
|
Sinatura de escritura pública de compravenda nun prazo de dous meses dende
a inscrición da división material do parque
|
1 ano para solicitar as licenzas de edificación e actividade
|
2 anos para solicitar as licenzas de edificación e actividade
|
Pago
|
25% á sinatura da opción de compra
75% á sinatura da escritura
|
0% na opción de compra
30% á sinatura da escritura
70% en tres anos (con xuros legais e garantía mediante aval)
|
Criterios de adxudicación
|
Interese da actividade: 0-5
Número de parcelas: (máximo 4): 0-2
Traslado de empresa: 0-6
Prezo: 0-5
Proxectos subvencionados: 0-4
Ampliación de empresa existente: 0-6
Nova creación: 0-3
Mocidade, mulleres ou intereses sociais: 0-3
Mellora do ciclo produtivo: 0-2
Proposta arquitectónica: 0-4
Total: 0-40
|
Xuro da actividade: 0-7
Número de parcelas: (máximo 4): 0-2
Traslado de empresa: 0-4
Prezo: 0-7
Proxectos subvencionados: 0-2
Ampliación de empresa existente: 0-4
Nova creación: 0-4
Mocidade, mulleres ou intereses sociais: 0-2
Total: 0-32
|
Penalizacións
|
Se a parcela non se destina ao uso previsto na adxudicación: 20% do
prezo
|
Se a parcela non se destina ao uso previsto, no caso de que o dito aspecto
fose tido en conta na adxudicación: 5% do prezo de venda
|
Non solicitar licenzas nun ano: 20%
|
Non solicitar licenzas en dous anos: 20%
|
Incumprimento de comunicar a Xestur a transmisión: 50%
|
Incumprimento de comunicar a Xestur a transmisión: 10%
|
Incumprimento de garantir a subrogación: 50%
|
Incumprimento de garantir a subrogación: 10%
|
Plusvalía
|
A cargo do comprador
|
A cargo do vendedor
|