-
O Consello de Administración, que preside Agustín Hernández, adxudicou 23 parcelas, con máis de
92.000 metros cadrados.
-
A superficie industrial do parque acada os 200.000 metros cadrados
-
Prevese o desenvolvemento dun proxecto de gran impacto económico na zona
Santiago, 1 de marzo de 2010.- O Consello de Administración de Solo Empresarial
del Atlántico (SEA, S.L), empresa participada polo Instituto Galego da Vivenda e Solo e que preside
Agustín Hernández, conselleiro de Medio Ambiente, Territorio e Infraestruturas, adxudicou un total
de 23 parcelas do parque empresarial de Rianxo.
En total adxudicáronse máis de 92.000 metros cadrados, que supoñen case a metade da superficie
de uso industrial e comercial do parque empresarial, que acada os 200.000 metros cadrados.
A meirande parte das parcelas foron adxudicadas a unha única empresa, que prevé desenvolver un
proxecto a medio prazo de gran impacto na zona, especialmente na xeneración de emprego e
reactivación económica.
O importe de venda das parcelas adxudicadas supera os 7,5 millóns de euros.