O conselleiro de Medio Ambiente, Territorio e
Infraestruturas ordena a realización dunha auditoría ambiental a Sogama
·
Agustín Hernández considera necesario dispoñer dun
documento técnico obxectivo que determine a situación ambiental real do complexo
Santiago, 29 de abril de 2009.-
O conselleiro de Medio Ambiente, Territorio e
Infraestruturas, Agustín Hernández, ordenou a realización dunha auditoría medioambiental a Sogama
para coñecer a situación da planta. Esta decisión ten como obxectivo que a actual Consellería
dispoña dunha diagnose real para a toma de decisións.
Por outra banda, e ante a gravidade das diferentes
denuncias e procesos abertos en relación co complexo, o conselleiro considera necesario a
elaboración dun documento técnico que permita coñecer o verdadeiro alcance desas posibles
irregularidades e, no caso de que se comproben, tomar as medidas correctoras necesarias.
A auditoría encargarase a unha empresa externa, que
desenvolverá o seu traballo en varias fases. Por unha banda identificaranse e avaliaranse os
diversos aspectos ambientais plantexados para, seguidamente, abordar aspectos legais e
administrativos. Tamén se estudará a adecuación á normativa vixente, tomando como referencia as
normas ISO.
O obxectivo da Consellería é dispoñer do dictame da
auditoría nun prazo de tres meses.