-
Tratrase dun edificio con alta eficiencia enerxética, xa que está dotado de placas solares
para a produción de auga quente sanitaria
-
Un total de oito vivendas foron adxudicadas en réxime de compravenda e tres en
alugueiro.
-
As 11 vivendas entregadas sitúanse nun bloque de 18, no que o IGVS investiu 1.403.902,66
euros.
Santiago, 4 de decembro de 2009.-
Un total de once familias de As Somozas recibiron hoxe as súas vivendas de promoción pública,
construídas polo Instituto Galego da Vivenda e Solo, nun acto de sinatura de escrituras e entrega
de chaves celebrado na casas consistorial.
Das once vivendas entregadas, nove dispoñen de tres dormitorios e unha superficie útil de 82
metros cadrados e as outras dúas teñen catro dormitorios e 90 metros cadrados de superficie útil.
Tódalas vivendas contan con vestíbulo, estancia-comedor, cociña, tendedeira e baños, así como praza
de garaxe e rocho.
Das once vivendas entregadas, oito foron adxudicadas en réxime de compravenda e as tres
restantes en réxime de alugueiro, en cumprimento da normativa que obriga a adxudicar en réxime de
alugueiro as vivendas correspondentes a familias con ingresos que non superen 1,5 veces o Iprem
(Indicador Público de Renta de Efectos Múltiples).
As vivendas entregadas hoxe nas Somozas corresponden a un grupo de 18 vivendas construídas ao
abeiro dun expediente iniciado en 2002 no que o Instituto Galego da Vivenda e Solo investiu un
total de 1.403.902,66 euros.
Das 18 vivendas adxudicáronse nunha primeira convocatoria un total de 13 vivendas das que se
entregan 11 xa que se produciu a renuncia dun adxudicatario en réxime de compravenda e unha das
vivendas destinase á cesión ao Concello. Quedan, polo tanto, cinco vivendas pendentes dunha próxima
entrega.
As vivendas emprázanse nun bloque de baixo e dúas plantas, dividido en dous portais, con
facha ventilada de pizarra de tres centímetros de espesor e carpintería exterior de aluminio
anodizado.
No interior destacan as tarimas de madeira de carballo nos dormitorios e sala, e baldosa de
gres en cociña e baños. As carpinterías interiores son de madeira. Tódalas vivendas dispoñen de
calefacción e auga quente sanitaria con caldeira individual por gas propano.
Asemade, o edificio está dotado de placas solares para a produción de auga quente sanitaria
que o converte nunha edificación altamente eficiente en materia enerxética.