• A conselleira de Medio Ambiente, Territorio e Vivenda recorda que a Xunta dispón de seis
millóns de euros para urbanizar e construir vivendas en San Paio de Navia, bloqueados pola falta de
aprobaación do plan parcial
• Lembra que o Instituto Galego de Vivenda e Solo leva dous anos agardando pola aprobación
definitiva, pois foi aprobado inicialmente polo Concello de Vigo en xaneiro de 2018
• Ángeles Vázquez avanza que no mes de febreiro se adxudicará a redacción do proxecto de
urbanización dos 260.000 metros cadrados que abarca San Paio
• Vázquez Mejuto reclama sensibilidade e xestión ao Concello de Vigo, para habilitar vivenda
pública na cidade galega con maior demanda
Vigo, 29 de xaneiro de 2020-. A conselleira de Medio Ambiente, Territorio e
Vivenda, Ángeles Vázquez, avanzou esta mañá que no mes de febreiro o Intituto Galgeo de Vivenda e
Solo comvocará un concurso de ideas para definir unha mellor integración das futuras vivendas coa
contorna. Ángeles Vázquez, xunto coa delegada territorial da Xunta en Vigo, Corina Porro, realizou
esta mañá unha visita á zona de San Paio de Navia; onde explicou que debido á execución de
distintas tipoloxías residenciais é convinte facer unha proposta de como se artellarían no
territorio.
Aclarou que se trata de dispor dunha ordenación tipo que servirá de guía e que recollerá,
entre outros aspectos, propostas sobre a sostibilidade, deseño, integración comunitaria e cohesión
social e factores de equilibrio económico.
Durante a visita, reiterou unha vez máis que a Xunta de Galicia dispón dun orzamento de seis
millóns de euros para urbanizar e iniciar a construción de vivendas en San Paio de Navia; un
desenvolvemento que está bloqueado por non contar coa aprobación do plan parcial por parte do
Concello de Vigo.
Recordou que o Instituto Galego de Vivenda e Solo (IGVS) leva dous anos esperando pola
aprobación definitiva. Explicou que en xaneiro de 2018 o Concello de Vigo aprobou inicialmente este
plan parcial e 24 meses deposis non conta coa aprobación definitiva, é dicir, “está bloqueado por
unha esixencias da Administración local, como é a dotación dun novo instituto, cuestión que non é
obxecto dun plan parcial”.
Ángeles Vázquez aclarou que esta dotación é un asunto independente á aprobación do plan
parcial; polo que solicitou ao alcalde que “deixe as excusas a un lado” e aprobe dito plan, co fin
de non condicionar nin dificultar outros proxectos de importancia para Vigo, como son as 1.600
vivendas públicas que se poderán construír en San Paio de Navia.
A conselleira de Medio Ambiente lembrou que se o Concello non aproba o plan antes de marzo
tamén provocará que caduquen as permutas de solo por edificabilidade que dan acceso a 42.000 metros
cadrados, imposibilitando aos veciños seguir vivindo nesta zona, con novas vivendas e con mellores
servizos.
Unha vez máis, Ángeles Vazquez solicitou “sensibiliade ao alcalde cos veciños de Vigo”; pois
coa súa xestión está a mermar as posibilidades dos cidadáns de Vigo á construir un fogar. Lamentou
que faga política con esta cuestión; pois mentres á Xunta lle esixe cuestións que non están dentro
do plan parcial; ao Ministerio de Fomento non lle esixe o soterramento da VG-20, citou como
exemplo.
En todo caso, a Xunta non se vai a quedar parada -afirmou- e, por iso, no mes de febreiro
tamén adxudicará o contrato para a redacción do proxecto de urbanización deste ámbito, xunto coa
convocatoria do concurso de ideas.