- As axudas para o realoxo en alugueiro das familias que tiveron que abandonar as súas vivendas
ascenderán a preto de medio millón de euros
- Todas as axudas serán compatibles con outras, así como coas indemnizacións percibidas dos
seguros
- O importe das mesmas será o valor dos danos causados na parte non incluída, tanto polas
axudas que aproben outras administracións públicas como por calquera outro sistema de cobertura de
danos, público ou privado, estatal ou internacional, do que poidan ser beneficiarias as persoas
afectadas
- As actuacións de rehabilitación poderán comezarse antes da presentación da solicitude ou
da resolución de concesión da mesma
- As axudas poderán pagarse por anticipado, de forma que os beneficiarios non teñan que
facer ningún desembolso previo
Santiago de Compostela, 7 de maio de 2018.- Os afectados pola explosión de
material pirotécnico rexistrada o pasado 23 de maio en Paramos (Tui) poden solicitar desde hoxe
mesmo as axudas destinadas a custe de realoxo e de reparación dos danos causados nas vivendas e no
seu enxoval doméstico, tal como establece a Orde da Consellería de Infraestruturas e Vivenda que
vén de publicarse no Diario Oficial de Galicia.
A Xunta destinará máis de 7,5 millóns de euros a estas axudas, das que máis de 7 millóns se
destinarán á reparación dos danos causados nas vivendas e no seu enxoval doméstico e preto de
500.000 euros ao aloxamento provisional das persoas que tiveran que abandonar as súas vivendas.
Segundo se detalla na orde publicada hoxe no DOG, a Xunta establece dous tipos de axudas,
para aloxamento provisional e para gastos en vivendas danadas e no seu enxoval doméstico.
Aloxamento provisional
A Xunta de Galicia custeará os gastos de alugamento dunha vivenda para o aloxamento
provisional das persoas que teñan que abandonar temporalmente as súas vivendas habituais, por un
período de ata dous anos.
O importe da axuda será de ata 450 euros ao mes e ademais concederase unha axuda
complementaria para o suposto da formalización dun contrato de alugamento, para efectos de atender
as obrigas derivadas da constitución de fianza e da alta en subministracións. Esta axuda terá un
importe único de 600 euros.
Reparación de vivendas danadas e o seu enxoval doméstico
Establécense axudas destinadas a sufragar os gastos de reposición e reparación dos danos
nas vivendas e nas súas instalacións complementarias e tamén axudas para os danos no
enxoval doméstico.
Beneficiarios
Desta axudas poderán beneficiarse as persoas físicas propietarias, usufrutuarias ou
arrendatarias das vivendas danadas pola citada explosión. As mesma permitirán facer fronte aos
danos causados na vivenda que constitúa a residencia habitual e permanente dos seus moradores, así
como os causados nas restantes vivendas, que deberán dedicarse, cando menos, a residencia
ocasional. Quedan excluídas destas axudas as edificacións ruinosas ou que se atopasen en manifesto
abandono antes da explosión.
As axudas tamén comprenden os danos causados nas construcións anexas e instalacións
complementarias da vivenda danada, entendendo como tales as construcións e equipamentos de apoio á
economía e vida familiar (pozos, hórreos, alpendres, invernadoiros para autoconsumo, instalacións
eléctricas e de iluminación, instalacións de telecomunicacións, etc.), sempre e cando estean
localizados no mesmo predio da vivenda.
Tamén se inclúen os danos sufridos no enxoval doméstico de primeira necesidade, cando non
estivesen incluídos nas axudas que para o mesmo efecto puidesen aprobar outras administracións ou
calquera outro sistema de cobertura de danos e sempre que os danos da vivenda sexan obxecto de
subvención.
Importe das axudas
VIVENDA
RESIDENCIA PERMANENTE E HABITUAL
DOS SEUS MORADORES
|
IMPORTE MÁXIMO DA SUBVENCIÓN (Danos vivenda habitual)
|
Ruína ou rehabilitación de danos na vivenda
|
109.152 €
|
Danos no enxoval doméstico
|
Vivendas ruinosas
|
16.373 €
|
Vivendas a rehabilitar
|
100% dos gastos.
Límite 3.000 €
|
VIVENDA QUE
NON CONSTITÚA RESIDENCIA PERMANENTE E HABITUAL
|
IMPORTE MÁXIMO DA SUBVENCIÓN (Danos en vivenda non habitual)
|
Ruína ou rehabilitación de danos na vivenda
|
43.660,8 €
|
Danos no enxoval doméstico
|
Vivendas ruinosas
|
5.458 €
|
Vivendas a rehabilitar
|
40% dos gastos.
Límite 3.000 €
|
As axudas da Xunta serán compatibles con outras axudas e subvencións, así como coas
indemnizacións percibidas dos seguros, ata o límite da renda do contrato de alugamento ou do 100%
do valor de reposición da vivenda danada.
O importe da axuda será o valor dos danos causados na parte non comprendida tanto polas
axudas que aproben outras administracións públicas como por calquera outro sistema de cobertura de
danos, público ou privado, estatal ou internacional, do que poidan ser beneficiarias as persoas
afectadas.
Se así se solicita, o pagamento das axudas poderá realizarase por anticipado, segundo o
disposto na Orde, de tal xeito que os afectados non teñan que incorrer en ningún gasto.
As actuacións poderán ser iniciadas con carácter previo á presentación da solicitude ou a
resolución de concesión, sempre que se conserven fotografías e calquera outro documento que
acredite o estado en que quedara a vivenda, as construcións auxiliares ou o enxoval por causa da
explosión catastrófica de material pirotécnico.
No seguinte enlace ao DOG poden consultarse as condicións destas axudas:
https://bit.ly/2sDBPfV
As axudas da Xunta serán compatibles con outras axudas e subvencións, así como coas
indemnizacións percibidas dos seguros, ata o límite da renda do contrato de alugamento ou do 100%
do valor de reposición da vivenda danada.
O importe da axuda será o valor dos danos causados na parte non comprendida tanto polas
axudas que aproben outras administracións públicas como por calquera outro sistema de cobertura de
danos, público ou privado, estatal ou internacional, do que poidan ser beneficiarias as persoas
afectadas.
Se así se solicita, o pagamento das axudas poderá realizarase por anticipado, segundo o
disposto na Orde, de tal xeito que os afectados non teñan que incorrer en ningún gasto.
As actuacións poderán ser iniciadas con carácter previo á presentación da solicitude ou a
resolución de concesión, sempre que se conserven fotografías e calquera outro documento que
acredite o estado en que quedara a vivenda, as construcións auxiliares ou o enxoval por causa da
explosión catastrófica de material pirotécnico.
No seguinte enlace ao DOG poden consultarse as condicións destas axudas:
https://bit.ly/2sDBPfV