As ARIs declaranse pola Xunta de Galicia por resolución do
Conselleiro de Medio Ambiente, Territorio e Infraestructuras, logo de telo solicitado un concello
que pretenda acollerse ao programa de financiamento previsto para as mesmas no RD 2066/2008 e no
D402/2009.
A documentación que un concello debe achegar para acollerse á
Área de Rehabilitación Integral estará composta por:
-
Escrito de solicitude do alcalde
dirixido o director do Instituto Galego de Vivenda e Solo, xunto coa
documentación prevista no artigo 48 do Real decreto 2066/2008, do 12 de decembro.
- Á vista do escrito e da documentación presentada, o Instituto Galego
de Vivenda e Solo procede á declaración de
Área de rehabilitación Integral (ARI) para a zona solicitada e a notifica ao
Concello e ao Ministerio de Vivenda.
- Unha vez declarada unha ÁRI, e para obter o financiamento de axudas
á rehabilitación, O IGVS comunica ao Concello o número de actuacións protexibles que serán obxecto
de acordo para unha fase de actuacións e lle solicita a documentación complementaria adaptada ao
número de actuacións. Recibida a documentación analízase e, unha vez completa, envíase ao
Ministerio de Vivenda.
- Sinatura do acordo no seo da Comisión Bilateral de Seguimento entre
o Ministerio de la Vivenda e o Instituto Galego de Vivenda e Solo con participación do Concello.
Neste acordo concretaranse as achegas financeiras e as súas fórmulas de pagamento, os compromisos
das administracións asinantes e as fórmulas específicas de seguimento para a liquidación efectiva
da subvención. A partires deste momento o concello deberá proceder a convocar axudas para unha nova
fase de actuacións.
O concello, ademais, deberá poñer en funcionamento, de se-lo caso,
se non o fixo con anterioridade, un portelo único -oficina de rehabilitación para a información,
fomento, xestión e control das actuacións e das axudas.
