Trátase dunha convocatoria de subvencións a fondo perdido orientada á solución do problema das
infravivendas rurais habitadas por familias con baixos ingresos, co obxecto de que poidan acadar
unha vivenda digna conservando a súa integración social co medio. As citadas edificacións non
reúnen os requisitos mínimos de habitabilidade referidos a aspectos de seguridade e estanquidade,
condicións hixienico-sanitarias, espazo habitable suficiente, e servizos de auga e electricidade.As
actuacións estarán orientadas: se as vivendas e os terreos son propiedade dos afectados á
rehabilitación, reconstrución da infravivenda e nova construción de vivenda unifamiliar. Se aas
edificacións ou terreos do concello: acondicionamento de edificacións para o seu uso por vivendas
e/ou nova construción de vivendas para aloxamento de familias afectadas.As axudas constan do 80% do
orzamentos das obras en concellos de menos de 50.000 habitantes, e do 65% no resto; nun máximo de
30.000 € por vivenda se se trata de rehabilitación de infravivenda e acondicionamento das
edificacións; ou un máximo de 45.000 € se se trata de reconstrución, nova construción de vivenda
unifamiliar e nova construción de vivendas para aloxamento das familias afectadas.
