GLOSARIO DE TERMOS

Do Q ao Z

Requisitos de acceso.
Son unha serie de condicións a cumprir polo solicitante para poder optar aos diferentes programas de axuda á vivenda.
Rexistro da Propiedade.
Organismo dependente do Ministerio de Xustiza que serve para inscribir e dar publicidade á propiedade dos bens inmobles e dos dereitos que recaen sobre os mesmos. Ten afuncion de levar os libros oficiais nos que consten todas as circunstancias que afectan ás fincas da demarcación correspondente ao dito Rexistro: cargas, transmisións, notas marxinais... É de consulta obrigada no caso de mercar unha vivenda que non teríamos a certeza sobre quen é o dono da finca nin sobre as cargas que recaen sobre a mesma.
Rexistro público de demandantes de vivenda.
Creado a nivel autonómico, ten coma finalidade facilitar a xestión e o control na venda e adxudicación de vivendas, garantindo a publicidade, concorrencia e transparencia de ditos procesos. Deben inscribirse no Rexistro os que desexen optar á adquisición dunha vivenda de protección autonómica.
Subrogación.
Acto de modificar as condicións dun contrato para substituír a unha persoa (física ou xurídica) por outra no exercicio dun dereito ou cumprimento dunha obriga existente en dito contrato. A subrogación dun préstamo hipotecario supón o cambio da entidade financeira ante a cal asume a obriga de pago o prestatario. Existen dous xeitos de subrogar: subrogación con cambio de entidade financeira, no caso de que o prestatario cambie o préstamo a outra entidade que lle mellora as condicións do préstamo hipotecario a través dos tipos de interese (só permite a variación dos tipos de interese, debéndose respectar as restantes condicións do préstamo), e implican un aforro na apertura e formalización da nova hipoteca; e subrogación por asumir obrigas xa contraída, no que o comprador dunha vivenda asume os dereitos e obrigas doutra persoa e é habitual cando se merca unha vivenda directamente ao promotor da mesma.
Superficie.
A superficie dunha vivenda refírese á suma total das áreas que conforman cada unha das súas instancias expresadas en metros cadrados. Pódense experesar coma SUPERFICIE ÚTIL considerando só a suma das áreas habitables (altura superior a 1,50 m) ou coma SUPERFICIE CONSTRUÍDA na que ademais contabilízase o que ocupan os diferentes elementos constructivos.
Taxación dunha vivenda.
Valor dunha vivenda ou inmoble certificado por sociedades constituídas a tal efecto. Mediante este certificado non só se coñece o valor real do inmoble, senón que ademais serve de base para obter o préstamo hipotecario solicitado. Debe ser realizado por un perito independente e autorizado polo Ministerio de Economía e Facenda.
Tipo de interese.
Porcentaxe que se aplica ao capital pendente dun préstamo para calcular os intereses que deben abonarse. Pode ser fixo, variable ou mixto. O fixo é aquel que se mantén constante durant toda a vida do préstamo. O variable actualízase e revísase nos prazos establecidos coa entidade financeira. O tipo de interese mixto mantén un tipo fixo durante os primeiros anos e o resto de tempo ata a súa cancelación, a tipo variable.
Unidade familiar.
Tal e coma resulta definida polas normas reguladoras do Imposto da Renda das Persoas Físicas é aquela integrada polos cónxuxes non separados legalmente e, se os houbera: os fillos menores, con excepción dos que, co consentimento dos pais, vivan independentes destes; os fillos maiores de idade incapacitados xudicialmente suxeitos á patria potestade prorrogada ou rehabilitada. Nos casos de separación legal, ou cando non existira vínculo matrimonial, a formada polo pai ou a nai e todos os fillos que convivan con un ou outro e que reúnan os requirimentos á que se refire a regra primeira. A efectos de ingresos as referencias á unidade familiar fanse extensivas ás persoas non integradas nunha unidade familiar, así coma as parellas de feito recoñecidas legalmente.
Valor catastral.
Valoración que figura no Catastro dunha determinada finca. Tómase coma referencia en relación a determinadas actuacións da Administración tanto de carácter fiscal (IBI, IRPF...), coma non fiscal (expropiación, valoracións urbanísticas...). Fíxase coma referencia o valor de mercado, sen que en nengún caso poda exceder deste.
Visado dos contratos .
Os contratos de compravenda ou adxudicación ou arrendamento e, se é o caso, as escrituras de obra nova para o suposto de promoción individual para uso propio das vivendas de promoción autonómica deberán ser presentadas polo promotor, vendedor ou arrendador na Delegación Provincial do Instituto Galego de Vivenda e Solo para o seu visado no prazo máximo dun mes a partir da subscrición do contrato.
Vivenda de protección autonómica.
Son as vivendas así calificadas polo IGVS que contan cunha serie de limitacións sobre as condicións que debe cumprir o beneficiario e sobre as características da vivenda e o seu prezo máximo a cambio da concesión de determinadas axudas. Poderán destinarse á venda ou arrendamento e constituirán o aloxamento habitual e permanente dos seus ocupantes.
Zonas territoriais.
Cada un dos grupos nos que se encadran os diferentes municipios do país co obxecto de establecer diferentes módulos que sirven para o cálculo do prezo máximo.