As VPP do Instituto Galego da Vivenda e Solo
(IGVS) clasifícanse en:
-
Vivendas protexidas de promoción pública de réxime
ordinario.
-
Vivendas protexidas de promoción pública
concertadas
.
-
Vivendas cualificadas en núcleos rurais e barrios
históricos
.
-
Vivendas protexidas de promoción pública de
inserción ou asistenciais
.
Vivendas
protexidas de promoción pública de réxime ordinario
Son as vivendas promovidas, adquiridas, renovadas
ou rehabilitadas polo IGVS en execución das súas competencias en materia de vivenda non incluídas
en ningunha das categorías que a continuación se describen.
Vivendas
protexidas de promoción pública concertadas
O IGVS poderá establecer formas de concerto ou
colaboración con persoas físicas ou xurídicas, públicas ou privadas, para satisfacer as necesidades
de VPP nos municipios onde exista unha demanda acreditada deste tipo de vivenda.
Consonte o procedemento e cumprindo as condicións
de calidade e prezo máximo que se establezan regulamentariamente, o IGVS poderá cualificar como VPP
as vivendas promovidas por un promotor público ou privado, co obxecto de adxudicalas entre as
persoas inscritas no Rexistro Único de Demandantes de Vivenda da Comunidade Autónoma de
Galicia.
As vivendas estarán sometidas ao mesmo réxime
xurídico ca as promovidas directamente polo IGVS.
Vivendas
cualificadas en núcleos rurais e barrios históricos
As promovidas polo IGVS co fin de acadar o
acondicionamento do contorno e a rehabilitación de vivendas situadas en núcleos rurais en estado de
abandono ou semiabandono ou en barrios históricos de poboacións, sempre que estivesen orientadas á
mellora, conservación e recuperación do patrimonio destas zonas ou revistan un interese específico
arquitectónico, social ou urbanístico.
Para saber das peculiaridades do seu procedemento
de adxudicación ver os
artigos
28 a 32 do Decreto 253/2007, do 13 de decembro, de réxime xurídico do solo e das edificacións
promovidas polo IGVS.
Vivendas
protexidas de promoción pública de inserción ou asistenciais
O IGVS, en cumprimento das políticas de inclusión
e cohesión social, poderá establecer liñas concretas de actuación ou formas de colaboración con
administracións públicas ou entidades sen ánimo de lucro que leven a cabo actividades e programas
de carácter social, para que poidan dispoñer de vivendas e destinalas a persoas que requiran
especial atención polas súas circunstancias persoais, económicas ou sociais.
