Unha das prioridades do Instituto Galego de Vivenda e Solo é a
creación de vivenda protexida baixo criterios de calidade arquitectónica,
construtiva e de integración co contorno, para que a vivenda protexida deixe de ser sinónimo de
vivenda de baixa calidade. Baixo este obxectivo agóchase a intención de atender de xeito integral
as necesidades de vivenda da cidadanía, especialmente daqueles máis necesitados, mediante medidas
axeitadas ás diferentes situacións de necesidade e coa participación de todos os axentes con
responsabilidade en materia de vivenda (administracións locais, promotores,
inmobiliarias...)
Deste xeito apóstase por:
- Incrementar a oferta de vivenda protexida
- Intensificar as políticas de aluguer de vivenda protexida
- Fomentar a transparencia na xestión e na adxudicación de vivenda
- Promover na construción a calidade, sostenibilidade, seguridade, innovación e industrialización
- Intensificar a loita contra o fraude na vivenda protexida
Que se plasma nunha serie de actuacións que o IGVS está poñendo en marcha, entre as que se
atopan:
- Promoción de VPP por parte do Instituto Galego de Vivenda e Solo
- Creación e posta en marcha do Rexistro de Demandantes de VPA
- Publicación de axudas para a compra de vivenda por parte da cidadanía
- Convocatoria de axudas para a construción para uso propio
