DEFINICIÓN:
As vivendas de protección autonómica de prezo concertado son aquelas destinadas a familias ou
persoas individuais con
ingresos anuais ponderados que non excedan de 6,5 veces o Indicador Público de
Renda de Efectos Múltiples-IPREM e nas que o valor da edificación sumado ao do solo non exceda por
m2 de superficie útil do Prezo Básico Nacional por 1,75 para os concellos da zona 1 e por 1,65 para
os da zona 2 e por 2,07 nos municipios de ámbito territorial de
prezo máximo superior C. (ver táboa de
ingresos e de
prezos máximos de venda)
BENEFICIARIOS:
- Promotores individuais para uso propio: persoas físicas que, sendo titulares do solo, pretendan
construír sobre o mesmo unha vivenda protexida unifamiliar para o seu uso.
- Destinadas a unidades familiares, persoas non integradas en ningunha unidade familiar, e
parellas de feito recoñecidas legalmente.
- O promotor destas vivendas deberá solicitar e obter a declaración como vivenda de protección
autonómica de prezo concertado emitida pola delegación provincial desta consellería.
- A vivenda destinarase a aloxamento habitual e permanente do seu propietario.
VALOR MÁXIMO DA VIVENDA MÁIS O SOLO
Ver táboa de prezos na que se indica para cada zona xeográfica o
prezo máximo por metro cadrado de superficie útil da vivenda e de garaxe e
rocho.
REQUISITOS
Para promover a construción protexida de vivenda para uso propio de prezo concertado:
- Que os
ingresos familiares ponderados non excedan de 6,5 veces o Indicador Público de
Renda de Efectos Múltiples (IPREM), pero tampouco sexan inferiores ao 0,7 veces o IPREM.
- Que a vivenda que se constrúa non supere os 90 m2 (108 m2 se estivesen adaptadas a persoas con
discapacidade, con mobilidade reducida permanente) ou 120 m2 para familias numerosas ou con persoas
con discapacidade ou dependentes ó seu cargo, con ou sen garaxe ou rocho, a superficie útil dos
rochos será como máximo o 15% da superficie útil das vivendas ás que estean adscritos.
Ademais poderán financiarse 25 m2 de superficie útil dun anexo, con independencia de que a
súa superficie sexa superior, destinado a actividades económicas, vencellado á vivenda. A estos
efectos entenderase por zona rural:
- Entidades de poboación inferiores a 500 habitantes.
- Núcleos entre 500 e 1.500 habitantes de municipios con planeamento municipal vixente, sempre
que os núcleos sexan rurais ou, no caso de núcleos urbanos, sempre que a ordenanza de aplicación
considere como compatible o uso da vivenda unifamiliar.
- Núcleos entre 500 e 1.500 habitantes de municipios sen planeamento, sempre que teñan un claro
carácter rural e non sexan características de aglomeracións ou concentracións urbanas.
Para acreditar a actividade profesional o solicitante ou algún membro da unidade convivencial
deberá achegar xustificación de estar de alta no réxime da Seguridade Social nalgunha das seguintes
actividades: agrícola, gandeiro, forestal, pesqueiro ou outras
- Non ser titular do pleno dominio ou dun dereito real de uso ou de goce sobre outra vivenda
suxeita a réxime de protección pública.
- Non ser titular dunha vivenda libre cuxo valor (a efectos do Imposto sobre Transmisións
Patrimoniais) exceda do 40 % do
prezo máximo de venda da Vivenda de Protección que se pretende construír. Este
límite pasará a ser do 60 % no caso de:
- Familia Numerosa para promover unha vivenda maior por incremento do número dos seus
membros.
- Persoas maiores de 65 anos, persoas con discapacidade ou vítimas da violencia de xénero ou do
terrorismo.
- Xente moza de ata 35 anos, antiga compradora en primeiro acceso á vivenda en propiedade, cuxas
vivendas non excederan de 70 m2 útiles que precisen promover unha vivenda de maior superficie polo
incremento do número de membros da unidade familiar.
Para obter o préstamo convido
- Non ter obtido previamente axudas financeiras para adquisición ou promoción de vivenda, ao
amparo de plans estatais de vivenda durante os 10 anos anteriores á solicitude actual da axuda,
salvo:
- Cando a nova solicitude de axudas financeiras a vivenda se deba á adquisición dunha vivenda
para destinala a residencia habitual e permanente, noutra localidade, como consecuencia do cambio
de residencia do titular.
- Cando a nova solicitude de axudas financeiras a vivenda se deba a un incremento do número de
membros da unidade familiar para adquirir unha vivenda por parte dunha familia numerosa, con maior
superficie útil da que tiña.
- Cando a nova solicitude de axudas financeiras a vivenda se produza pola necesidade dunha
vivenda adaptada ás condicións de discapacidade sobrevida dalgún membro da unidade familiar do
solicitante.
- Cando se cumpran os supostos de non disposición dos dereitos de uso ou desfrute da vivenda ou
do valor determinado da mesma, a que se refire o artigo 12, ou ben por pérdida da titularidade da
vivenda debida a extinción do condominio como consecuencia dunha separación ou divorcio da parella
administrativamente recoñecida como tal, cando a vivenda se adxudica a outra parte.
Nos tres primeiros supostos será necesaria a previa cancelación do préstamo convido
anteriormente obtido, así como a devolución das axudas económicas directas ou, opcionalmente,
percibir a diferenza se procedese
Para o primeiro acceso á vivenda en propiedade
-
Ingresos familiares ponderados que, en calquera caso, non excedan de 3,5 veces o
IPREM.
- Que non teñan nin tiveran vivenda en propiedade ou que téndoa, ou téndoa tido, os seus
titulares non dispoñan do dereito de uso ou disfrute da mesma ou o valor da vivenda (a efectos do
Imposto sobre Transmisións Patrimoniais) non exceda do 25 % do
prezo máximo total de venda da vivenda obxecto da actuación protexida.
CARACTERÍSTICAS DO PRÉSTAMO CONVIDO
- Prazo de amortización: 25 anos, máis 3 anos de carencia desde a formalización do préstamo,
ampliables a 4 a xuízo da comunidade autónoma e de acordo coa entidade prestamista.
- Tipo de xuro: variable, fixado e revisado anualmente polo Consello de Ministros.
- Non terán comisión ningunha.
- O préstamo estará garantido con hipoteca.
- Accédese a el directamente.
- A contía máxima do préstamo será igual ao 80% do valor da edificación sumado ao do solo que
constará na escritura de declaración de obra nova. No caso de que unha familia numerosa promova
unha nova vivenda con maior superficie útil, dita contía non poderá exceder da diferenza entre o
valor da vivenda xa posuída e o prezo da de nova promoción.
Se a vivenda tivera praza de garaxe ou rocho vinculados á vivenda, a contía global do
préstamo poderá incrementarse como máximo ata o 80% do custe real deles. O préstamo poderá ser
amortizado, total ou parcialmente, segundo as condicións establecidas no convenio asinado entre o
Ministerio de Vivenda e as
entidades de crédito.
AXUDAS PROPIAS DA COMUNIDADE AUTÓNOMA
A Consellería de Vivenda e Solo concederá aos promotores individuais para uso propio de
vivendas de prezo concertado, que cumpran os requisitos de primeiro acceso á vivenda en propiedade,
que formalizaran préstamo convido, que a súa idade non sexa superior a 35 anos no momento da
solicitude e que acheguen a totalidade ou a maior parte dos
ingresos familiares, unha subvención de 600 € para gastos de constitución/
subrogación hipoteca e outros gastos de entrada.
A concesión da axuda efectuarase cando se entregue a escritura pública inscrita no rexistro
da propiedade e que se acredite declaración definitiva da vivenda e a obtención do préstamo
convido; deberá acreditarse no prazo de 4 meses contados desde a data da declaración
definitiva.
DESTINO E OCUPACIÓN DAS VIVENDAS. PROHIBICIÓNS E LIMITACIÓNS Á FACULTADE DE DISPOÑER.
DEREITOS DE TENTEO E RETRACTO
A vivenda destinarase a residencia habitual e permanente do propietario e deberá ser ocupada
no prazo de tres meses desde a súa finalización, salvo autorización da delegación provincial
O réxime legal das vivendas de protección autonómica acollidas a medidas de financiamento
deste Plan terá un duración de 30 anos sen posibilidade de descualificación voluntaria.
Estas vivendas non poderán ser transmitidas inter vivos nin ceder o seu uso durante o prazo
mínimo de 10 anos desde a formalización da declaración de obra nova.
Poderá deixarse sen efecto esta prohibición de transmitir nos seguintes supostos e sempre con
autorización da delegación provincial, sen prexuízo dos dereitos de tenteo e retracto da
administración:
- execución xudicial do préstamo
- cambio de localidade da residencia do titular
- familias numerosas que precisen adquirir unha vivenda de maior superficie por incremento dos
seus membros
- persoas maiores de 65 anos que desexen trasladar o seu domicilio
- persoas con discapacidade e vítimas da violencia de xénero ou do terrorismo
- persoas que precisen trasladar o seu domicilio a outra vivenda de menores dimensións
Nos dous primeiros supostos se se obtiveron axudas financeiras, requirirase a previa cancelación
previa do préstamo e o reintegro das axudas económicas estatais e autonómicas recibidas, máis os
xuros legais producidos desde o momento da percepción.
Nos últimos catro supostos, se se obtiveron axudas financeiras, soamente se requirirá a
cancelación previa do préstamo.
As posteriores transmisións destas vivendas estarán suxeitas a autorización e determinación
do
prezo máximo de venda por parte da delegación provincial da Consellería de
Vivenda e Solo.
